滿屋日本料理 (已結業)

最近愛上食放題，今次揀咗銅鑼灣滿屋，之前都食過，價錢相宜，食物唔差。今晚冇訂枱，亦唔需要等位，我地二人安排咗坐卡位，一坐底點完嘢食就出去拎熟食熟食方面，拎咗幾款：冬菇炆鴨掌：既入味又炆得夠淋；炸三文魚鮫：炸得香口但唔會乾爭爭；炸多春魚：炸得脆口；炸魚皮同脆薯格：仲暖暖得同香脆正題黎啦⋯⋯刺身有帶子、大赤蝦、希靈魚、北寄貝、三文魚，都好新鮮，大赤蝦大大隻，蝦頭仲有蝦膏架～尤其帶子，又大又鮮壽司方面：柚子油甘魚腩，清新鮮味十足、牛油蒜三文魚，味道又幾夾、黑松露吞拿魚醬油漬，吞拿魚鮮味冇筋，小許黑松露唔會搶咗鮮味～其他壽司亦好味炸物方面：芝麻雞翼即炸熱辣辣、榴連炸彈，入面流心榴連肉，好香、特長大蝦春卷，外皮香脆、炸蝦天婦羅同龍躉天婦羅都係即炸，醬粉亦夠薄燒物方面：鹽燒海蝦，大隻彈牙、燒菠蘿甜甜酸酸、燒牛舌，黑椒味好可口、燒蕃薯仔，甜甜的牛肉壽喜燒鍋：肥牛唔肥，湯底夠味滿屋小炒皇：要食啲菜中和返，大大碟架最後每人有一杯雪櫃作甜品，好滿足