大欖串燒 (已結業)

就黎又中秋，秋風起最岩就梗係去燒嘢食，但又唔想去到新界冇雷公咁遠嘅燒烤場，搵咗呢間喺正銅鑼灣鬧市嘅大欖串燒，食佢哋嘅串燒燒烤放題。高級活海鮮套餐B $308我哋揀咗中價位嘅海鮮套餐，除咗任食任飲嘅串燒燒烤放題，每位仲會有一份海鮮包括蟶子、鮑魚、扇貝、蠔、蝦同沙白，可惜今日蠔賣哂所以換埋做鮑魚俾我哋。餐廳有自設魚缸養住d海鮮，所以都幾新鮮。覺得最正嘅係爽脆鮮甜嘅蟶子同大大隻啖啖肉厚肉水嫩嘅扇貝。店員都好細心提醒燒海鮮唔可以太大火以免個殼會裂。除咗海鮮當然唔少得個燒烤放題，都有好多嘢食可以拎，有成超過50款，一般燒烤場有嘅都會搵得到，雞翼就有好似土匪雞中翼、椒鹽雞中翼、川椒麻辣雞中翼；肉類就有好似熊本一口牛、法式香草羊架、香辣孜然羊肉串；海鮮有多春魚、咖喱魷魚；仲有各類丸腸同蔬菜好似車厘茄、翠玉瓜、金菇咁，款式非常多同豐富。順帶一提仲有熔岩芝士杯，我作為芝士控都然唔可以錯過。除咗燒烤食物，都仲有炸物、水果、甜品同飲品可以任飲任食。佢哋呢到係用明爐燒烤，又有提供好似蒜蓉、牛油、蜜糖、泰式青醬、孜然粉呢d調味料俾客人加落d嘢食到燒，就好似去咗燒烤場咁，非常有風味，而且個抽風系統做得唔錯，食完唔