鐵板一 (裝修中)

銅鑼灣登龍街出名超多野食，有時平日lunch都會黎揾下有咩新野。今次呢間新開嘅樓上西餐廳嘅午餐就非常抵食，80蚊唔使就有一份份量好足嘅套餐，而且餐廳氣氛唔錯，係以深木色同植物作為主題，座位寬敞舒適👍。午市套餐選擇都唔少，價錢真係街坊價，60~80蚊有齊餐湯、主菜同飲品，其中d扒餐全部都係鐵板上，好吸引🤩。❤ 餐湯 餐湯有羅宋湯同忌廉湯選擇，我就揀左羅宋湯。番茄味好濃郁，帶有少少辣味。裡面嘅菜同蘿蔔都唔少。❤ 美國脆香雞扒鐵板餐 （$68）雞扒超大塊，係去左骨的，食落啖啖肉，充滿肉汁。雞扒外面係煎過嘅，雞皮好脆，淋上秘製燒汁真係好香口😋。❤ 西冷牛扒鐵板餐 （$70）叫左五成熟，但可能因為鐵板太熱嘅關係，變左大概七成咁，不過牛扒肉質依然好嫩，而且好厚身，咬落去好滿足🤭。一個人食絕對足夠有餘😆。