海饌 - 海鮮牛扒餐廳 (Fashion Walk) (已結業)

不嬲都知道銅鑼灣Fashion Walk 嗰度有好多高質餐廳，今次就揀咗其中一間食晚餐。脆炸蘇格蘭蛋配風腸及蒜蓉蛋黃醬半熟嘅流心蛋外面包一層鹹香味嘅風腸，成個炸至金黃色，口感紮實配上碟上嘅蒜蓉蛋黃醬更添風味。烤雞肉牛油果藜麥沙律碗成個沙律盤材料非常豐富入面包括有牛油果，雞蛋，青瓜藜麥等等仲有烤焗過嘅雞肉非常入味，作為前菜非常開胃。香蔥魚子醬炸馬介休卷外皮鬆脆入口熱辣辣，口感棉密配合面頭啲魚子醬帶有微微鹹香口感。法芥醬忌廉燴黃油春雞配中東烤餅用上成個鐵盆上菜保持，法芥醬配合忌廉汁食落非常Creamy，雞肉嫩滑多汁。中東烤餅配合香草烤焗至薄脆，加埋醬汁食到停唔到口。成個餐廳氣氛十分休閒，臨近聖誕充滿晒聖誕嘅節日氣氛而且食物質素高上，非常適合同情侶或者屋企人嚟食飯。