滷友記 (加路連山道) (已結業)

知道喺加路連山道有間好出名嘅滷水店。之前路過幾次都冇機會食，今日撞正去銅鑼灣做野，就同同事一齊去個到食lunch.去到見到餐廳嘅裝修好靚好特別，仲好有台灣特色。而且環境乾淨企理。俾人一種好舒服嘅感覺。呢樣嘢真係值得讚！滷水牛三寶麵 🐮。呢度嘅招牌菜😍佢嘅麵煮得十分出色。麵底啱啱熟。湯就有好濃郁嘅滷水同花椒八角嘅味道。再係麵上面鋪勁多金錢𦟌，牛筋同金錢肚。全部食物都煮到好入味。個麵真係冇得彈。😍古法滷水金錢𦟌麵🐄。 金錢𦟌有好香嘅滷水味，但完全冇覆佢牛肉本身嘅味道。口感又淋又香。食完之後，有勁香嘅滷水味係牙罅到滲返岀黎。呢個係我食過數一數二好味嘅金錢𦟌！👍🏻滷水豆腐🫘。豆腐超級嫩滑，而且仲有好重嘅黃豆味。再放入滷水到滷，味道同口感又香又滑，真係好唔錯😍。台式酥炸豬扒🐷。豬扒炸到好香酥。而且超級鮮嫩，仲一啲膻味都冇！豬扒香濃多汁，加埋少少蔥花，成個味道更突出，絕對係會食唔停！👍🏻