滿屋日本料理 (已結業)

今晩同女朋友慶祝，所以特登帶佢嚟銅鑼灣食放題。之前都去過其他滿屋，但就第一次嚟呢間分店，呢度位置就大啲，坐得鬆動啲。放題除咗飲品任飲外，仲包括梅酒、啤酒同冷熱sake任飲！堅正啵，啱晒我呢啲咩都想試下嘅人。岀面有自助餐，沙律、泡菜、海鮮、冷盤同炸嘢，真係好多選擇呀。但我哋要留返個胃食其他嘢。嚟放題少不免要食魚生喇，嗌晒我最鍾意食嘅三文魚、吞拿魚、帶子、甜蝦，全部都好新鮮肥美呀。壽司都唔錯，我最鍾意係呢個和牛壽司，我食完一碟又一碟呀。燒豬腩肉同牛舌燒羊架都係必食，燒得好腍好入味。蒲燒鰻魚又係勁好食，嗌咗兩次。肥牛烏冬甜品有Tiramisu 同布丁，仲有好多，不過太飽食唔落。見到個木瓜甜品幾得意。