鐵板一 (裝修中)

收工同朋友去銅鑼灣食晚飯，帶左我黎餐廳集中地永光中心鋸扒。餐廳裝潢精緻，都幾有氣氛。太肚餓關係，二個人點左二個扒餐同一碟意粉。前菜方面，點左水牛城雞翼，酸酸甜甜，雞翼好大隻鹹蛋卡邦尼意粉：大推！個汁調配得非常之好，好香鹹蛋味但又唔會死咸，意粉做到掛汁，食完想encore!湯有蘑菇湯羅宋湯選擇。西冷同肉眼扒夠大份，五成熟剛剛好，唔會太鞋仲留有肉汁，肉質夠鮮嫩。另外薯條做配菜，揸得好香脆，唔會林啤啤，值得一讚！