麻吉灶咖

营业中

休息中

聽過朋友推薦呢間台式餐廳，原來近期係希慎都開左分店。裝潢時尚現代，有卡位位置，營造出輕鬆愉悅既用餐氛圍，非常適合聚餐或約會。當日食嘅幾款幾特別同味道都唔錯，推薦俾大家！墨魚滑燒玉米燒（4件）外皮金黃酥脆，彈牙嘅墨魚滑同粟米仔原來都幾夾，口感不錯。寧夏鹽酥魷魚份量比想像中多，魷魚外酥內嫩，鹽酥香氣撲鼻，食到停唔到口。蚵仔三文魚籽蓋飯蚵仔好肥美，食落都冇腥味，搭配晶瑩剔透嘅三文魚籽同滷肉醬汁，口感豐富。軟殼蟹麻婆豆腐拌麵結合左軟殼蟹既酥脆同麻婆豆腐既香辣，拌麵口感不錯，帶麻辣香氣。麻薯芋圓珍珠牛角窩夫好有創意又好吸引嘅配搭，酥脆牛角同Q彈既麻薯、芋圓，配搭軟糯既牛奶麻糬，口感層次豐富，甜而不膩，好想encore!!珍珠冰淇淋鮮奶茶茶味突出，配搭軟滑雪糕，比想像中好飲。手打香橙檸檬茶香橙同檸檬酸度平衡，清爽解膩之選。