麻辣派對 (金百利廣場) (已結業)

經過銅鑼灣朋友話想食辣嘢，就去咗買麻辣派對嘅外賣，外賣有七折優惠，都幾抵食，味道都幾唔錯~🍴水煮系列 酸菜魚江團 加水晶粉 $198 + $38 BB辣 (8/10)酸菜魚外賣好大兜，總共有兩兜，份量都幾足，BB辣真係微辣，啱啱好，唔會食到滿頭大汗，酸菜魚都夠酸，魚肉叫咗最平嘅魚，魚肉比較淋身，煮得啱啱好都滑，有酸菜同埋豆芽，水晶粉好掛汁，好好食！食完都唔會口渴！🍴哥落山辣子雞 雙拼肥腸 $178 小辣 (7.5/10)辣椒超級多，但係雞同肥腸比較少喎🤣係辣椒裏面搵到雞同肥腸都唔容易🤣肥腸炸過好香口，肥而不膩，幾好食，但係雞就比較乾身，味道係幾好嘅，有鑊氣，但份量好少又細粒，辣度唔會太辣😂推薦指數: 7.5/10三百零都OK，三個人食都夠飽🤣都會想再去食，因為個味道都幾唔錯，酸菜魚都值得推介，但辣子雞麻麻哋啦，肥腸一定會再叫！外賣七折都抵食嘅！