拉麵凪 (已結業)

話說👧🏻好鐘意食位於渣甸坊既三才魚蛋粉, 成日經過既時候都見到好多人係隔離間拉麵店到排隊, 👨🏻係拉麵控, 決定試試佢!- 豚骨拉麵 ($91)一定係試湯底先, 湯底好濃郁但係又唔會太鹹同油, 感覺岩岩好! 叉燒方面係用左西班牙豬整既, 肥瘦均勻同嫩滑, 麵條係幼麵, 掛麵效果都唔錯!- 赤骨拉麵 ($96)雖然望落紅當當, 但係其實食落唔會太辣, 睇返介紹, 赤骨既湯底係用豚骨湯做base 加上辣油, 大蒜和唐辛子. 所以除左辣味之外都仲食到豚骨湯既味道. 辣得有層次! - 凪豚餃 ($23)$23 得3隻, 食之前真係覺得有小小貴. 不過👧🏻係餃子控, 絕對唔會放過有得食餃子既機會! 一咬已經feel到同其他拉麵店既有唔同, 涵料非常豐富, 會食到有小小肥肉. 上邊加左D疑似天婦羅汁, 小小酸酸地,好fresh好好味, 對得住個價錢!