新新酒家 (裝修中)

平時通常同朋友聚餐，尋晚第二次招呼海外朋友去新新食晚飯，在銅鑼灣環境好既地方好多，但係論好味又抵食嘅廣東菜酒樓我諗都冇咩太多地方可以選擇。最近呢兩次啲朋友食完都讚不絕口，尋晚叫咗龍蝦伊面、乳鴿、乳豬、燒鵝、啫啫芥蘭煲、粉絲元貝，最後隊埋一籠流沙包……大家都好滿足，搞得我都好開心。地鐵行過去好近，在一蘭拉麵旁邊，夜晚shopping完去好方便....最後，掛住食都忘記咗影相，不過都要上嚟讚下新新佢鼓勵一下！