地址：銅鑼灣渣甸街66號亨環10樓
銅鑼灣最近新開咗間有啡有酒又有嘢食嘅Cafe and Bar🍸——PACE by ONFALL @pace.onfall ，趁住平日下晝唔喺太多人，專登上咗去亨環10樓呢度飲啡食嘢吹水Chill返幾粒鐘🗣，畢竟平時地鋪或者一啲人氣餐廳/Cafe成日都好多人或者會限時坐，呢度新開咗接近2個月，加上夜晚會比下晝多人過嚟飲嘢食嘢，更重要環境夠大坐得都幾舒服😌，經過上嚟打躉都喺個唔錯嘅選擇
未行入餐廳已經聽到裏面播緊既熟悉又令人雀躍嘅流行音樂🎶，有好幾張大枱，唔多人嗰陣就算得兩個人都可以坐，坐得鬆動自在完全無壓迫感😌，
場內仲設有VIP房，無論成班friend想自私玩，定喺想搵地方慶祝生日或者搞event都一樣咁適合
雖然餐廳主打酒類飲品🍸，不過佢哋提供僅有10款左右嘅食物質素都真喺幾唔錯，而我下午去嘅時段仲有咖啡可以飲☕️，比愛啡唔愛酒嘅人多返啲飲品選擇🤓
✝️煙三文魚意粉 $108
煙燻過再輕輕炙燒嘅三文魚塊，
鋪咗喺滿滿嘅忌廉汁意粉上面，加上少少檸檬汁一齊食🍋，清新檸香之中帶有陣陣煙燻香；
雖然意粉有太多汁個人就唔太鍾意，不過食起上嚟又真喺唔會好溜👏
✝️德國無骨咸豬手 $108
豬手預先切好一片片🐷，令客人食得非常方便，皮、筋、肉嘅層次分明，
咬落每啖都食到豐富膠質，加咗少少黑椒調味，仲輕輕中和咗豬手嘅油膩感
✝️意式蕃茄肉丸 $88
一客有8粒，唔可以話好彈牙，但蕃茄醬同香草嘅配搭加上肉丸嘅肉香真喺無得輸🧆，
唔覺唔覺就食晒成碟🤣
呢度飲咖啡確實有啲貴，每杯White Coffe要$78，不過唔好睇少佢哋啲咖啡，絕對媲美得上咖啡店嘅質素👍。用咗自家淺焙咖啡豆，飲落醇香，溫度、牛奶同Espresso嘅比例都掌握得好好👏，加上精細嘅拉花，緊喺要先打卡後欣賞再品嘗啦☕️，有驚喜有驚喜🎉
