牛川日本和牛專門店 (已結業)

今日同朋友去銅鑼灣行街見到呢間和牛燒肉放題，見到好多款和牛、燒肉、熟食，仲有日本飛驒牛刺身！梗係入去試吓啦！我哋叫咗尊貴A5和牛放題，一坐低就送上海鮮拼盤包括：甲羅燒、牛油扇貝、蠔、牛川虎蝦。海鮮好新鮮，肉質爽口當然梗係唔少得佢哋嘅和牛啦！A5 和牛牛五花、A5 和牛千本筋、A5和牛牛冧、A4 和牛牛肩梅花、A4 和牛後腰肉。和牛好有油花😋除咗和牛之外，仲有霜降安格斯牛頸脊、霜降安格斯牛肋肉、霜降安格斯牛板梅花、厚切牛舌、薄切牛舌，雖然唔係和牛，但係油脂分布平均，好香油香😋另外味燒雞胸三角軟骨比較少有得食，有啲似雞軟骨咁😋另外我地叫咗：刺身、吞拿魚容脆脆、熊本黑毛和牛漢堡、燒和牛沙律、手工燒鳥串、辣大蒜焗牡蠣、燒牛肉他他、日本飛驒牛刺身。我最鍾意嘅係日本飛驒牛刺身、熊本黑毛和牛漢堡😋飛驒牛刺身香港好少地方有得食，真係好香牛味！加埋佢嘅醋汁一齊食別有一番滋味😋和牛漢堡好Juicy，咬一啖充滿油香😋