影片
更多
2021-08-06
592 浏览
今晚又同老公夾啱時間一齊銅鑼灣放工食晚飯。上網搵到呢間全是好評的食店。下午大約5:30入座, 有下午茶餐選擇, 店員有溫馨提示我地下午茶餐的份量比散叫少, 怕唔夠飽就散叫會抵食D, 不過我地都係嗌下午茶, 因為本身一早唸好左會買上星期已經幫襯過一次既SCONE做飯後甜品, 最近佢地係SOGO 有 POP-UP STORE, 好好味呀, 怕悶既我, 兩個星期食四日scone好少有。下午茶餐當晚飯加飯後甜品, 是有效減低罪惡感的組合。我地點左雙併麵 - 蘿蔔加豬肚, 滷水湯上海粗麵, 溏心蛋肉燥飯, 椒鹽炸貢丸, 蘋果🍎雪梨雪耳同凍檸🍋茶。雙併麵 - 食材質素好, 蘿蔔無渣, 豬肚爽口, 但略嫌炆得唔夠耐, 唔太入味。而呢碗麵最得我心既就係個滷水湯底, 好多時食到既車仔麵湯底都好油同重味精, 但滷友記既滷水湯底真係可以用清甜順滑來形容, 同我近期最愛的車仔麵店秘坊有得揮🤺, 係可以成碗湯飲曬既車仔麵。溏心蛋肉燥飯 - 睇個樣就知啱老公口味 - 瘦肉比較多同多汁。椒鹽炸貢丸 - 個人覺得椒鹽落得唔夠多, 滷友記用左一個健康養生的方式去呈現呢款個名好邪惡😈既小食, 貢丸新鮮, 肉味濃。蘋果雪梨
下午大約5:30入座, 有下午茶餐選擇, 店員有溫馨提示我地下午茶餐的份量比散叫少, 怕唔夠飽就散叫會抵食D, 不過我地都係嗌下午茶, 因為本身一早唸好左會買上星期已經幫襯過一次既SCONE做飯後甜品, 最近佢地係SOGO 有 POP-UP STORE, 好好味呀, 怕悶既我, 兩個星期食四日scone好少有。下午茶餐當晚飯加飯後甜品, 是有效減低罪惡感的組合。
我地點左雙併麵 - 蘿蔔加豬肚, 滷水湯上海粗麵, 溏心蛋肉燥飯, 椒鹽炸貢丸, 蘋果🍎雪梨雪耳同凍檸🍋茶。
雙併麵 - 食材質素好, 蘿蔔無渣, 豬肚爽口, 但略嫌炆得唔夠耐, 唔太入味。而呢碗麵最得我心既就係個滷水湯底, 好多時食到既車仔麵湯底都好油同重味精, 但滷友記既滷水湯底真係可以用清甜順滑來形容, 同我近期最愛的車仔麵店秘坊有得揮🤺, 係可以成碗湯飲曬既車仔麵。
溏心蛋肉燥飯 - 睇個樣就知啱老公口味 - 瘦肉比較多同多汁。
椒鹽炸貢丸 - 個人覺得椒鹽落得唔夠多, 滷友記用左一個健康養生的方式去呈現呢款個名好邪惡😈既小食, 貢丸新鮮, 肉味濃。
蘋果雪梨雪耳 - 同樣是健康之選, 少甜清潤。
滷友記就像是改良版的滷水店, 食物味道走較清淡路線, 少油少糖少鹽, 迎合大眾對健康的追求。
张贴
