餐廳裝修有格調，落地玻璃望住堅拿道西，位置方便，加上侍應嘅態度殷勤，好有禮貌咁介紹餐廳嘅特色食品，一坐低已經感覺好好。
餐牌菜式花都眼亂，價錢亦好合理，最後我哋揀咗炒肉碎生菜包、炸蝦餅、牛油雞翼、蛋包炒金邊粉，當然唔少得嘅就係泰式奶茶同泰式咖啡啦。
咁多樣食物最好食就係個炒金邊粉同雞翼，蛋包一上枱就令人眼前一亮，包得好靚，金邊粉的炒得好乾身，一啲都唔似坊間好多泰國菜咁炒到好濕，抵讚！
另外牛油雞翼亦都好脆口，雞肉入味亦好嫩滑，十分欣賞。
而泰式奶茶係泰國飲到手指公牌嗰隻味道，茶味好香好濃，但就一啲唔同泰國飲到咁甜，呢度嘅泰式奶茶係低糖口味，健康得來又好好飲，值得一試！
