JK Kitchen (已結業)

最近轉左工，新嚟銅鑼灣報道，雖然銅鑼灣有好多餐廳，但係都要靠新同事帶我周圍覓食，今日佢帶咗我嚟呢間JK kitchen食越南野。餐廳位於永光中心17樓，餐廳門面不大，但裝修尚算優雅舒適，店內嘅擺設亦頗有越南小店風味。Lunch Menu嘅選擇不少，有各式嘅湯河或撈矇，亦可隨着個人喜好追加小食，價錢亦合理。我點左個餐廳嘅招牌J K kitchen湯河，入面有齊牛腩、生牛肉、扎肉和雞絲等等，十分豐富，而且湯底濃郁，不錯！我和同事追加左春卷和牛油雞翼，小食做得十分香口和惹味。跟餐仲有嘢飲，都算抵食。