滷友記 (加路連山道) (已結業)

【滷友記】呢間專食滷水粉麵鋪頭响荃灣係一間人氣高企小店，想食好多次但都因為少去個邊而無機會食。好消息係佢哋終於開分店嚟到銅鑼灣啦！招牌大滷麵/ 配滷水湯底/ 上海幼麵 $54大滷麵有金錢𦟌，牛筋，同金錢肚；配埋個香濃甜滷水湯底非常唔錯。滷水膽其實要整得好的確費時，除咗要掌握材料份量仲要响煮嘅時候不段試味，而呢到嘅金錢𦟌，牛筋，同金錢肚都好入味。想再將個麵提升多一個味道層次就要加埋佢哋自家製嘅蒜辣醬同麻辣油！勁香勁好味！滷水金錢𦟌/ 配蕃茄湯底/ 手造爽脆米粉 $61 跟餐凍檸檬+$6另一款蕃茄湯底掛晒米粉好滿足！而且金錢𦟌炆得又淋又入味，米粉同平時食嘅唔同，有好似意大利餐廳講意粉al dente口感！呢$61超值！生炸大雞脾$34呢到嘅生炸大雞脾係我marked咗必試產品之一，即叫即炸熱辣辣之外個皮仲炸到脆卜卜。而且炸咗咁耐，但入面一樣好JUICY! 襯而家仲未係太多人知呢間人氣小店就快啲幫襯，直覺覺得呢到好快會成為銅鑼灣嘅排隊店之一。