京都勝牛 (Tower 535) (已結業)

以吉列牛聞名專門店「牛カツ京都勝牛」响日本有超過50間分店！而香港目前終於都有兩間分店分別喺銅鑼灣同將軍澳！呢間鋪頭我响日本都試過，而家又無得飛，既然香港都開咗見價錢都好公道就緊係要試一試啦！見咗兩款牛【元祖炸牛排套餐 $158】同【霙花翼板牛排套餐$168 】，另外叫咗芒果奇異果味有汽特飲 $36 白桃蒟蒻冰茶 $32鍾意食吉列牛因為同食牛扒唔一樣，外層酥脆夾住軟嫩肉質！夾埋食口感無比。 一上枱嘅時候店員都有介紹幾款醬汁同點配搭嚟食；醬汁分咗３類別分別係：濃郩系，清爽系，同開胃系，總共有９款味道。其實我覺得就咁夾少少wasabi同呢到嘅玫瑰鹽已經好好味，而霙花翼板牛排套餐比起元祖炸牛排套餐係多咗啲蘿蔔蓉鋪面同柚子醋比你一邊多一種口味配嚟食。最特別係個咖哩汁，配埋飯同食緊日式咖哩飯無分別，一個套餐多種食法！ＣＰ值極高的一餐。而飲品方面兩款都唔會好甜之外，白桃蒟蒻冰茶嘅蒟蒻好Ｑ彈，比起台式飲品鋪做得仲出色！而佢哋其中一樣任飲嘅味噌湯有赤麵鼓，足料又香濃，細細份但可以飲食菜同飯仲有任飲湯，食完已經超飽！以$158套餐嚟講CP值算高，想快閃日本的話絕不可錯過！📍銅鑼灣謝斐道535號Tower