蟹慶 (已結業)

雖然無左晚市，不過lunch一樣可以食得好似dinner咁豐富🤩🦀 蟹慶會席 二人前＄1976 🦀前菜(3點）蟹肉蟹子沙律、汁煮牛舌、芥辣八爪魚沙律汁酸酸甜甜好開胃；牛舌粒厚切，口感一流；芥辣八爪魚好嗆鼻好刺激又好有嚼勁。 🐟精選廚師發辦刺身(4點)金目鯛、吞拿魚、帆立貝、赤蝦刺身全部都厚切肥美，金目鯛好大彈性和咬口；帆立貝大粒又鮮甜；赤蝦肥美又粘口😋 🦀蟹肉蒸蛋盛載嘅碗好精緻，蒸蛋順滑香口，內有蟹肉絲和三文魚子去豐富整個口感 🦀蒸雪場蟹(1/4隻)雪場蟹超鮮甜，新鮮有彈性又唔痴殼👍🏻，每隻蟹腳都好粗大🤩就算四分一隻分量都好多 🦀浜燒鱈場蟹腳保留咗海水嘅鹽分，食嘅時候有天然鹽分去調味，食嘅時候有好fresh呢感覺可惜蟹肉有痴殼，唔容易勾起 🦀蟹甲羅味噌燒 蟹膏份量多得誇張🤩每啖都食到好香濃嘅蟹膏味道，當中仲夾有大量蟹肉絲🥰，少少漿口又濃郁，回味無窮😇 🦀吸物海鮮湯，有蟹肉絲、小貝柱、蝦仁湯頭好清甜，配料又足料 🦀松葉蟹釜飯內有2人份量，除了蟹鉗仔之外，有黑松露和三文魚子去調味和增加口感，更顯高級感覺😇 🍮甜品有抹菜奶凍和黑糖嶡餅