平時都好鐘意食川式火鍋，呢間「方叔叔重慶老火鍋」自己都去過幾次，味道有驚喜
最近佢地為慶祝8周年有多個勁慳優惠，除左全線菜單勁減之外，全線仲要免加一服務費，真心好抵食!
一坐底會有碗雪耳糖水，比大家暖一暖胃
鍋底揀左麻辣拼皮蛋香菜鴛鴦鍋，麻辣味夠香夠麻，可以加埋配料鴨血更正!皮蛋香菜鍋清甜滋潤
另外佢地有個十八大推薦菜
武隆苕粉食落煙韌有咬口，索左湯汁十分惹味
香滷豬大腸
老鵝鮮鵝腸
千絲柏葉
豬大腸冇異味，鵝腸爽口煮10秒就食得，柏葉吸汁同樣出色
鮮蝦串
手打魚籽蝦滑
蝦肉爽彈好新鲜，蝦滑內有鮮蝦都好滋味
嫩嫩嫩牛肉
同佢個名一樣好嫩，牛肉味重，口感軟諗
十秒鮮牛舌
藤椒鮮牛舌
佢地既牛舌好好食，薄而爽口，鐘意食辣必試藤椒牛舌，夠麻夠香
小郡肝串串
必點之選! 小郡肝入口爽滑，調味香辣，送酒一流
蔬菜類叫左油麥菜、平菇、包漿豆腐同萵筍條，食到原汁原味好清甜
即食有鮮花椒重慶炸酥肉同紅糖爆漿糍粑
炸酥肉外皮香脆，調味香口惹味，糍粑一咬紅糖爆曬出黎，香甜富口感
