滿屋日本料理 (已結業)

臨近大節特別多飯局，朋友介紹呢間放題唔錯，於是就去試下啦！ 係銅鑼灣區真係有好多放題店，但呢間除左食物、環境一流，仲好似自助餐咁，有得玩有得食。 餐廳好大，而且座位都坐得舒服，唔會係好逼好細個位咁。而且店員服務態度都好好，好詳細介紹左餐廳有咩特色野，同埋自助區有咩正野食。自助區分熟食、沙律吧、甜品。愛蝦之人一定會被冷盤蝦迷倒了。因為真係好新鮮好吸引，而且蝦又唔會雪到死晒，得返冰味。不過更吸引嘅係龍蝦沙律蓉，大大隻龍蝦頭，而且沙律蓉係龍蝦肉嚟既，非常新鮮鮮甜。主角當然係刺身啦！餐廳有一本點食紙，有好多款刺身比大家選擇，通常食開放題都知，點完可能會無，可能會唔足。但呢度唔單止樣樣齊，樣樣足，而且每款都好新鮮好厚新。真係食得過嫁！而埋尾不能錯過的是甜品。甜品每日款式都唔同，而今日見到嘅有牛乳布甸、凍餅等等，每樣都好精緻。