影片
更多
2018-11-27
331 浏览
今日揸車嚟到銅鑼灣想泊低架車舒舒服服食番餐，朋友話喺呢度食夠二百蚊就可以享用免費泊車三小時，喺銅鑼灣泊三個鐘頭車都唔止一百蚊啦，所以就嚟呢度試下。龍利葉蘋果燉豬展湯，見呢輪有幾聲咳，就嗌咗呢一個有食療功效嘅湯水；龍利葉味甘性平，功能清肺熱，治痰火咳嗽，失音喉痛，對咳嗽痰多人士好有幫助.。一踏入秋冬就係龍利葉嘅當造期，加埋蘋果同煲，令湯更加清甜可口，讚。燒味大拼盤（例牌），同事話呢度嘅招牌菜係穀飼豚肉叉燒，即刻嗌呢個燒味拼盤嚟試下先，拼盤除咗叉燒之外仲有五香牛展同埋海蜇，穀飼豚肉整嘅叉燒果然不同凡響，叉燒豬味濃郁，蜜汁嘅味道令人難忘，牛展鹵得相當入味，好鍾意牛展嗰一個煙靭嘅口感。高原黄耳炒蚌片，黃耳富含果膠，膠質細膩，滑潤可口，入口有淡淡嘅桂花香味，更有補腦嘅功效；蚌片爽口而帶點點海洋嘅味道，廚師將西芹嘅熟度掌握得啱啱好，口感爽脆，西芹味道清香，同黄耳好夾。美味欖角骨，欖角骨味道酸酸甜甜，十分開胃， 豬肉口感軟滑，唔係太肥亦都唔會起渣，醬汁入面嘅欖角攞嚟送飯一流，我覺得呢一個餸係屬於必食嘅推介。南乳素齋煲， 因為婆婆牙齒唔係咁好嘅關係，幾乎每一次同佢食飯都會嗌一個南乳粗齋煲俾佢食，呢度嘅
今日揸車嚟到銅鑼灣想泊低架車舒舒服服食番餐，朋友話喺呢度食夠二百蚊就可以享用免費泊車三小時，喺銅鑼灣泊三個鐘頭車都唔止一百蚊啦，所以就嚟呢度試下。
龍利葉蘋果燉豬展湯，見呢輪有幾聲咳，就嗌咗呢一個有食療功效嘅湯水；龍利葉味甘性平，功能清肺熱，治痰火咳嗽，失音喉痛，對咳嗽痰多人士好有幫助.。一踏入秋冬就係龍利葉嘅當造期，加埋蘋果同煲，令湯更加清甜可口，讚。
燒味大拼盤（例牌），同事話呢度嘅招牌菜係穀飼豚肉叉燒，即刻嗌呢個燒味拼盤嚟試下先，拼盤除咗叉燒之外仲有五香牛展同埋海蜇，穀飼豚肉整嘅叉燒果然不同凡響，叉燒豬味濃郁，蜜汁嘅味道令人難忘，牛展鹵得相當入味，好鍾意牛展嗰一個煙靭嘅口感。
高原黄耳炒蚌片，黃耳富含果膠，膠質細膩，滑潤可口，入口有淡淡嘅桂花香味，更有補腦嘅功效；蚌片爽口而帶點點海洋嘅味道，廚師將西芹嘅熟度掌握得啱啱好，口感爽脆，西芹味道清香，同黄耳好夾。
美味欖角骨，欖角骨味道酸酸甜甜，十分開胃， 豬肉口感軟滑，唔係太肥亦都唔會起渣，醬汁入面嘅欖角攞嚟送飯一流，我覺得呢一個餸係屬於必食嘅推介。
南乳素齋煲， 因為婆婆牙齒唔係咁好嘅關係，幾乎每一次同佢食飯都會嗌一個南乳粗齋煲俾佢食，呢度嘅齋煲亦都同出面一樣炆得好腍，但係我覺得呢度更加入味，南乳味道更香更濃。
鹽焗海南雞，海南雞口感嫩滑，尤其係胸部咁厚肉嘅地方，都唔會話太鞋，味道帶點鹹鮮嘅香味，我哋只係嗌咗半隻，實在有啲意猶未盡。
回味脆麻花，脆麻花做得好鬆脆，淨係用條脷都已經頂得爛，加上面頭麥芽糖 獨有嘅麥芽香，連帶假牙嘅婆婆都食得津津有味。
张贴
