Iberians (已結業)

今日同朋友仔去左尖沙咀文化中心，晚餐揀左Iberians，位於新文華中心地下，餐廳裝潢別緻，燈光昏暗，好有情調。蒜香橄欖油大蝦以鑄鐵鍋上枱，熱辣辣勁吸引，食落蒜香味十足，鮮甜大蝦彈牙又爽口!西班牙水晶麵包麵包烘得外脆內軟，配以清新三文魚、蕃茄等，口感層次豐富。銀鱈魚配蒜蓉牛油魚肉細膩緊緻，口感鮮嫩爽滑，油脂不多，入口即化，好鮮美。香草燒雞雞件醃得入味，燒至皮脆肉滑，肉質嫩滑又多汁，兼帶香草味，味道濃郁得黎又唔會太膩，正。加泰羅尼亞焦糖奶凍口感滑順，軟綿香甜，蛋香十足～Sangria Red果香味好清新，酒體豐滿，酸度恰當。