鎧軒居酒屋 (已結業)

疫情下太和中心下面嘅一間新開日本菜餐廳，未試過堂食就叫另一半去叫買一個外賣返黎試下。日本菜無堂食下會扣左唔少分，因為外賣包裝比唔到日式餐具個種用餐感，令用餐體驗減低。叫左一個銀鱈魚定食外賣（$98+$4），返到屋企打開，全部都係塑膠裝住，分數略減。份量方面，前菜每樣少少。而平時餐廳都係一塊銀鱈魚，佢有兩塊且不細塊，加分。味道方面，味增味道不俗，無明顯雪味，且唔係比目魚，加分。總體黎講，今次用餐體驗雖然係儀式感上不足，但味道取勝。用呢個價錢食到好味又有份量銀鱈魚，性價比高。