點小館 X 旺旺烤活魚 (已結業)

深水埗美食多籮籮，Cafe嘅選擇實在好多。今日晚上嚟到西九龍中心附近，見到點小館喺大馬路，有個歡聚二人烤魚套餐。鉗魚火鍋有五款湯底可以揀，我用刪除法，決定酸菜或者酸辣泡椒湯底二揀一，似乎酸菜冇咁油膩同埋配紅薯粉都正，所以決定左湯底。二人餐仲有肥牛，菜拼盤包括冬瓜，蘿蔔，唐生菜，薯仔片，粟米，份量都多。另外炸物係墨魚滑油炸鬼，好脆口，墨魚滑大大件。鉗魚好滑身，魚肉夠晒兩至三人食。只係有魚最主要條大骨，好方便食。海鮮拼盤有蝦，蠔，珊瑚蚌，蚌灼10秒就爽口彈牙，吸哂酸菜湯底。