釣魚船屋 (已結業)

O岩O岩星期日同埋一大班朋友，去觀塘釣魚船屋同老婆慶祝生日，真係唔試唔知搞邊科，成件事都係超水準！極力推薦俾各位！首先講格局，地方企理，包箱又大又光猛又乾淨，有幾個包箱仲喺埋魚池隔嚟，可以一路食一路釣魚🎣！而且全間店完全冇異味，我呢啲超級鼻敏感患者都坐足全晚都冇事！食得日本嘢，當然要講吓啲日本酒，清酒種類唔算多，但不同級數都有，算係唔錯，我揀咗支便宜嘅都幾好飲！美中不足係暫時得一款燒酒，希望遲啲可以入多啲唔同類型～講到戲肉就梗係釣魚，我自己就釣唔到，但係有朋友就釣到一條，釣到上嚟嘅就有七折！仲可以揀唔同方法兩食，做刺身已經好食到不得了！肉質晶瑩剔透！之後再攞魚骨去煮面豉湯，用嚟幫全晚收尾，正！❤️另一條魚就做汁煮，都係好好味，我自己喺日本食海鮮都唔係下下食到咁高質素嘅魚～壽司整體都好食，但另一樣推介嘅，係一個有火燒住上嘅蟹蓋甲羅燒，入面有蟹肉同蟹膏，加埋蛋漿煲滾之後搽包食！正！❤️整體嚟講，呢間食店係意料之外咁高質，好多時呢啲靠gimmick嘅地方，嘢食唔會最高質素，望住個裝橫，正常都會諗佢將啲資金放晒落呢啲位，嘢食應該都係一般般。但事實係佢每道菜色都俾到驚喜我地，香港人咁鍾意食日本嘢，應