一念素食

营业中

休息中

一念素食絕對係讀大學時最喜愛嘅食堂，百周年校舍開幕以來，陸續開設不同社企小店，而一念更係HKU首間提供純素嘅食店。店內嘅椅子都係從學校回收來再翻生重用的，裝飾也是用棄置的廢物再合成一件又一件獨一無二的擺設。雖然佢坐位真係算少，碰上翻學日子午餐時段必定坐無虛席，不過下午茶或晚餐時間，通常都有位，不用等太久。介紹番佢最聞名嘅覺醒自助餐先，午餐11:30-2:00，晚餐5:30-9:00。午餐選擇的確會較多，而且餸嘅味道會偏濃烈，而晚餐有時也會有炸春捲或腐皮捲，不過要看運氣。自助餐形式是先拿一隻碟，把想要的菜式夾上去，通常有十二道餸，例如：茄子、蕃茄豆卜、南瓜等，亦有一些點心，例如：燒賣、冬瓜捲、雜菜餃等。選好菜後就磅重俾錢，食幾多夾幾多！現時價錢是：$16/100g，香草紅米飯和素清湯是任裝的，學生時代的確覺得一念頗貴，但出來工作後就覺得$50-60可以吃到如此別緻而且用心做嘅食材，認為絕對值得！如果香港多啲食店都選用磅重形式，絕對可以減少浪費，而且每人都可以更加瞭解自己真正食量需求，避免眼闊肚窄。