金金日式燒肉店

营业中

休息中

金金日式烧肉店-烧肉的盛宴虽然铜锣湾食市林立，但想揾间食物高质，环境舒适既食店都有一定既难度。今日由朋友带路，懒神秘咁话有间餐厅可以满足晒我以上既要求。「金金日式烧肉店」全店装修以木制品为主，简约舒服，而全店一大特色一定系大bar枱，放满各式各样既酒，可供食客一边把酒谈心，一边品尝美食。细看menu之后，觉得二人餐较为吸引同丰富。先黎前菜「樱花虾沙律豆腐」，豆腐滑得黎又阿冻，加上樱花虾同虾子，口感顿时变得更有层次。而另一个前菜「金目鲷刺身沙律」入口清新，用上黑醋同wasabi制成汁，更显开胃。成晚既重头戏终于黎啦！唔驶多讲，斋睇就知「正」啦。特别要推介「清酒黑松露帆立贝」帆立贝超大粒又新鲜，唯一缺点系酒味唔突出。「A5黑毛和牛」色泽靓，油脂分布平均，入口油香满溢又重牛味。烧完一轮肉类之后，要食返d菜中和一下，可能系有机蔬菜既关系，所以d粟米同洋葱都特别甜。因为太饱既关系，完全遗忘咗仲有「黑松露和牛炒饭」，炒饭粒粒分明，每粒都沾满黑松露，非常美味。最后仲有烧肉店自家制既牛乳冻作结，大满足！