今次試咗金葉庭2025年希爾頓主廚季嘅限定菜單🎊每道菜都盡顯師傅嘅巧手同心思😍😍傳統粵菜中滲透創新元素✨
1
1. 頭盤四重奏 🍽️
▪️海蜇手撕雞：海蜇爽脆彈牙，配上手撕雞肉嫩滑冇骨，麻油香淡淡滲出，酸辣汁醒胃又開胃！
▪️冰鎮鮮鮑魚：鮑魚厚切啖啖肉，冰鎮保留原汁鮮甜，鮮味爆發、口感一流🐚
▪️金陵乳豬件：脆皮燒得像玻璃紙咁薄，皮下脂肪融化咗，肉質軟嫩、油香滿滿，邪惡但無法抗拒🐖
▪️菠蘿山楂川汁爆蝦球：蝦球大隻爽彈，外層掛滿酸甜微辣嘅山楂川汁，菠蘿粒增加果香，開胃又解膩🍤🍍
2. 薑汁米酒蒸鮮蟹拑 🦀
蟹拑拆殼後啖啖肉，蒸得剛剛熟，薑汁同米酒嘅香氣滲入蟹肉，鮮甜中帶酒香，底下嘅蛋白吸盡精華仲好嫩滑添！必食之選🔥
3. 蟹皇冬茸羹 🥣
湯羹濃稠度完美，蟹黃嘅濃郁鮮味同冬瓜茸嘅清甜平衡，仲有絲絲蟹肉增加口感，飲落暖胃又唔膩，高級感滿分💯
4. 如意百合炒斑球 🐟
石斑球煎得外皮微脆，肉質雪白嫩滑，百合同木耳爽脆，醬汁用上湯勾芡，清淡得嚟突顯斑球鮮味，健康之選🌿
5. 特選上等濃雞湯浸雞 🐔
雞湯金黃清澈，雞味濃厚，雞肉浸到剛剛熟，皮爽肉滑，滋味無窮💛
6. 金葉庭炒飯 🍚
鑊氣十足！飯粒粒分明，蛋絲、蝦仁、菜心粒、鹹蛋黃等等，超級足料，加入蔥花提香，簡單但考功夫，食到最尾都唔油膩👍
7. 楊枝甘露 🥭
經典甜品！芒果肉香甜多汁，西米煮得通透，椰奶底唔會過甜，冰涼清爽，完美作結🍨
8. 港麗酒店特色氣泡茶 🫖
有驚喜！氣泡茶帶淡淡花香，微甜有氣泡感，解膩一流，同中式菜意外地夾，🌟
總結：$988/位（另加一）喺五星酒店享受咁精緻嘅菜單❣️擺盤同服務都無可挑剔💘尤其蟹拑同蟹皇冬茸羹實在出色，值得一試🎉
.
金葉庭✨
📍地址: 香港金鐘金鐘道88號太古廣場香港港麗酒店大堂低座
.
#金葉庭 #港麗酒店 #粵菜 #廚師發辦 #香港美食
