爺爺雞飯 (金百利中心) (已結業)

從來都沒有去金百利樓上的餐廳，因為沒有朋友介紹，可能果D餐廳唔可以坐太耐，所以一直冇留意。最近約朋友去銅鑼灣食飯，朋友話試吓去這間，我哋在平日2點後去，避過午餐繁忙時間，2點後唔多客人，所以我哋坐好耐都得，由於係非繁忙時間，所以我哋二人坐四人座位，好闊落。我們點咗兩個餐share 食：無骨海南雞飯拼馬來肉骨茶（$98）因為想食海南雞又想食肉骨茶，所以這味就有齊兩個味道，海南雞好滑，雖然雞的份量少咗啲，仲有肉骨茶，好濃味，都食到好飽😋。新加坡叻沙（$62）味道不辣，我哋食唔到太辣，所以辣嘅味道對我們來說剛剛好，蝦好新鮮，其他材料都好多。餐飲叫咗凍泰式奶茶及凍檸檬茶，朋友說泰式奶茶茶味夠濃，我就飲凍檸茶，都有茶味，檸檬都有三片。