金田家 (已結業)

金田家拉麵 。之前去倫敦旅行嘅時候都有見過呢間餐廳 ，難怪門口見到個logo咁熟面口，原來真係同一間嚟㗎。 記得銅鑼灣登龍街都有間分店，長時間都好多人 ！於是今次經過紅磡 ，未諗到食乜 ，就趁下午茶時間都紅磡金田家試下佢嘅拉麵。店舖唔算大， 得兩名員工 ，打開個餐牌見到世界各地都有分店，而且店鋪上面仲掛滿得獎嘅poster ，感覺好犀利咁。 點餐方法同普通拉麵店冇分別， 都係用一張拉麵紙。 呢度湯嘅濃度冇得揀，邊一種麵類都冇得揀， 就咁揀面嘅質地。 咁於是我就揀咗 硬質地，朋友就揀咗 超硬質地 。我揀嗰款係柚子辛辣拉麵，朋友就揀咗超濃豬骨湯拉麵！額外再揀咗薯餅同埋餃子作為小食 飲品方面呢，就叫咗一支支裝嘅綠茶同埋可爾必思。飲品首先送到！可爾必思好奇怪，係用隻杯仔裝住， 明明餐牌上面係一支支可樂咁嘅嘢。見佢喺雪櫃倒出嚟一杯好奇怪。綠茶就係綠茶味，支裝綠茶不過不失。拉麵好快就送到 ，唔講咁多試一啖湯先。 湯唔算濃味， 食到淡淡嘅柚子味 同埋知道係豬骨湯底。 由於唔係超濃味，啱曬我淡口味嘅人！ 撈埋最頂嘅嗰篤辣椒醬 …辛辣，柚子，豬骨湯的味道幾夾，我幾鍾意。 麵質非常適合我，我揀咗嘅係硬 ，