金田家 (已結業)

今日係元朗掃完街，就去左yoho mall shopping ，行到攰，就想揾野食。咁岩見到有金田家，過江龍九洲第一拉麵，就梗係即刻入去試下。香港好食嘅拉麵店唔多，好期待呢間拉麵是有咩特別！金田家同其他拉麵店，可以選麵嘅軟硬度，可以加購任何配料，價錢我覺得算合理。環境裝修好金黃色，好有日本feel，鋪面都有好多位，我地6:00入座所以唔洗等位，店員仲安排左我地坐窗邊，好舒服。每張枱都擺咗必備的日本芝麻同其他配料，非常衛生整潔。食物方面，我就叫左「辛子黑蒜拉麵」加了1隻溏心蛋同埋芽菜，因為本人係超中意糖心蛋，但係拉麵本身無，所以一定要加。芽菜就幾特別嘅佢底有個汁，黑椒味，店員就叫我地撈埋一齊食 。基本配料有紫菜、木耳等。配料嘅量亦唔少，好足料，值得一讚！拉麵嘅叉燒是腩位，肥瘦岩岩好，食落嘅口感會比較軟，幾嫩滑，好喜歡！金田家令我最難忘就係糖心蛋，因為佢係無熟蛋黃的，完整一粒係糖心，而唔係外面食到嘅半糖心蛋。金田家製嘅豬骨湯底好濃郁，麵質亦都好有咬口。食一啖就有多種口感，麵吸收了濃郁湯底。在嘴裡面每咬一口都帶著濃郁味道，真係值得一試。濃郁的湯底絕對比同區嘅拉麵店更值得一讚！中意豬骨湯的話一