影片
更多
2013-06-28
96 浏览
進入時間:~17:00第一印象: 高級餐廳, 高雅, 清靜當時無客人, 更加無侍應用膳原因:啤外面show出黎既甜品吸引左------------------------------叫左以下兩款:A - 意大利芝士蛋糕B - 朱古力心太軟A - 意大利芝士蛋糕．一個好細既意大利芝士蛋糕...杯．上面有塊寫上tiramisu既朱古力片．塊朱古力片fail (嗯, 雖然唔重要)．食到落底先發覺落重左冧酒, 搶哂原本已經淡薄既咖啡味．整體普通．可可粉遇上面層莫名其妙地濕濕地既蛋糕而變得奇怪地有嚼口, 失去第一口的鬆軟感．蛋糕因為冧酒而變得濕軟------------------------------B - 朱古力心太軟．隻碟頗影響食欲．雪糕好少．個心太軟蛋糕歪左．糖霜亂酒, 且少．心太軟蛋糕內有看似濃郁的朱古力醬流出．明顯焗燶的痕跡．心太軟蛋糕厚度適中心太軟蛋糕．雜質重, 即無朱古力既淳厚(明顯慳吝), 甚至重油味．朱古力醬質感適中．雪糕完全唔柔滑(除非你係雪芭)對食物感想:彷彿拍緊walking dead, 我食緊死屍。如果我想食雪糕, 我會搵番雀鳥雪糕。如果我想食西餅, 我會搵番西海堂
第一印象: 高級餐廳, 高雅, 清靜
當時無客人, 更加無侍應
用膳原因:啤外面show出黎既甜品吸引左
------------------------------
叫左以下兩款:
A - 意大利芝士蛋糕
B - 朱古力心太軟
A - 意大利芝士蛋糕[外觀]
．一個好細既意大利芝士蛋糕...杯
．上面有塊寫上tiramisu既朱古力片
[味道]
．塊朱古力片fail (嗯, 雖然唔重要)
．食到落底先發覺落重左冧酒, 搶哂原本已經淡薄既咖啡味
[口感]
．整體普通
．可可粉遇上面層莫名其妙地濕濕地既蛋糕而變得奇怪地有嚼口, 失去第一口的鬆軟感
．蛋糕因為冧酒而變得濕軟
------------------------------
B - 朱古力心太軟
[外觀]
．隻碟頗影響食欲
．雪糕好少
．個心太軟蛋糕歪左
．糖霜亂酒, 且少
．心太軟蛋糕內有看似濃郁的朱古力醬流出
．明顯焗燶的痕跡
．心太軟蛋糕厚度適中
[味道]
心太軟蛋糕
．雜質重, 即無朱古力既淳厚(明顯慳吝), 甚至重油味
[口感]
．朱古力醬質感適中
．雪糕完全唔柔滑(除非你係雪芭)
對食物感想:
彷彿拍緊walking dead, 我食緊死屍。如果我想食雪糕, 我會搵番雀鳥雪糕。如果我想食西餅, 我會搵番西海堂。
直接D講, 好難食。
------------------------------
[服務．環境]
接下落黎我地逐樣評:
------------------------------
最深刻印象 : 店員以及其服務態度
[神秘感]
1. 無侍應係門口 - (當時非繁忙時間, 或者佢地唔夠人手, 係入邊忙緊)
2. 過左2 min之後見到有位侍應先生飲緊湯 - (我唸佢地休息既地方唔夠, 見無客人, 出黎休息下無咩唔妥既)
[外表]
3. 服裝欠美觀, 整潔, 統一 - (第一印象非常重要, 美唔美觀係我刻薄先咁講, 但整潔真係好重要, 唔統一係對鞋到)
[談吐舉止]
4. 有笑客 - (個位飲湯既大叔, 我以為佢會好cool 但都有笑容所以好深刻)
5. 茶餐廳口貌 - (呀叔對答唔錯, 有茶餐廳員工影子既係第二位侍應先生)
6. 上餐點時自動開啟聲效「啪」 - (睇黎你真係好忙咁, 雖然無咩客人)
7. 上餐點時忘了說台詞 - (「請慢用」一定要講! 除非你地唔係高級餐廳)
8. 細心, 附上善意的溫馨提示 - (有位侍應姐姐介紹某款大份D, 某款細份D咁)
9. 感覺懶懶閒 - (某位員工既感覺就似係來自茶餐廳而唔係高級餐廳。就算無客人, 無野做都唔好走黎走去, 因為你出到黎破壞左呢間餐廳原本高雅的形象。出黎留意客人有無需要係應該, 但唔係不修邊副地走, 而係要斯文D, 慢慢地走, 等客人覺得你地係隨時侯命, 係, 就算係扮出黎。)
[服務]
10. 無交帶 - (上左一份等左好耐先上到黎既餐點後, 無解釋原因。製造需時我接受, 最接受唔到既係份餐點係完全失敗, 仲要無解釋。遞野上黎個位侍應一定知因為佢口up up話焗燶左。)
------------------------------
[環境]
11. 靚, 優雅 - (由內而外或是由外而內都咁靚, 大玻璃窗透出靚景, 擺設好合襯, 無論係擺位或者挑選過程都做得唔錯)
12. 氣氛好 - (入左咁耐, 人流漸多依然唔開哂D燈, 想唔讚佢為左凝造氣氛而犧牲到達一間餐廳普通既電費支出範圍既機會都唔得)
13. 擺設有些少殘舊 - (部分擺設, 椅桌 , 裝飾略為殘舊。當然你可以當係古典味, 因為問題不大。)
[餐桌擺設]
14. 餐具略為殘舊 - (刀刀叉叉有些少舊, 可換換新款的...對一間高級餐廳而言。其實係我尖酸左D既。但個杯太明顯, 唔好用膠杯啦, 唔耐用又易生積, 真係自膠且好影響客人一坐係到既感覺...對位去高級餐廳用膳既客人而言)
15. 調味瓶有積, 略為殘舊 - (同樣地對一間高級餐廳而言, 或者真係我尖酸左D既)
------------------------------
或者我所遇到既只係冰山一角(雖然睇過其他食評都有提及服務欠佳既情況出現)。
其實呢間野既環境真係幾好, 但佢地既服務及其甜品真係令我感到十分惋惜及無奈。價錢與質素唔合符更令我嬲到想同侍應當面對質, 但我忍住, 因為我只係一個惡唔起, 無權無勢無錢無地位又無能既高中生。
總結:可以試下運氣叫其他野食, 但唔好冒險叫甜品, 除非你需要味覺新衝擊。
题外话/补充资料：
感覺佢曾經風光一時, 今昔卻...
(以上食记乃用户个人意见 , 并不代表OpenRice之观点。)
张贴
