影片
更多
2016-04-05
1916 浏览
睇到openrice一致的好評，我以為自己去錯餐廳，點解可以差咁遠!?話說我之前喺facebook已經見人對呢間餐廳讚不絕口。抱住好高我期望，一行8人去到試新野。Waitress俾張8人枱我哋，係長枱但係得一個爐，仲要係放一邊，咁即係得4個人可以打，其他人點算? 問 waitress 佢話我哋一係要間房， min charge $3000 諗住都一定 meet 到就要啦。跟著我哋叫哂佢最特別最出名嘅食物，然後先知出事:呢個湯底係好靚，頭一啖都仲分到咩味還咩味，但係加完湯之後全部變清湯，尤其係中間個湯，加埋個清酒炸彈都食唔到清酒味。其實佢哋點解唔可以加返原本個湯底，要加清湯? 呢個都唔係好過分嘅要求啫。跟著出事嘅係嗰個7色丸同7色小籠包，7隻色但係一樣味，覺得自己食咗好多色素落肚。其他野食未至於好差，牛肉ok但係出面好多火鍋店再好食啲，炸魚皮幾好食，但係整體都係唔ok。佢哋啲service亦都係敗筆，大部分 waitress 無論聽到或聽唔到都唔會應你，一開始坐低想要水佢哋話冇杯要遲啲，但係食咗半個鐘再問佢而家有杯裝水未佢完全冇咗件事。我有懷疑過我嘅experience 同 openri
話說我之前喺facebook已經見人對呢間餐廳讚不絕口。抱住好高我期望，一行8人去到試新野。
Waitress俾張8人枱我哋，係長枱但係得一個爐，仲要係放一邊，咁即係得4個人可以打，其他人點算? 問 waitress 佢話我哋一係要間房， min charge $3000 諗住都一定 meet 到就要啦。
跟著我哋叫哂佢最特別最出名嘅食物，然後先知出事:
呢個湯底係好靚，頭一啖都仲分到咩味還咩味，但係加完湯之後全部變清湯，尤其係中間個湯，加埋個清酒炸彈都食唔到清酒味。其實佢哋點解唔可以加返原本個湯底，要加清湯? 呢個都唔係好過分嘅要求啫。
跟著出事嘅係嗰個7色丸同7色小籠包，7隻色但係一樣味，覺得自己食咗好多色素落肚。其他野食未至於好差，牛肉ok但係出面好多火鍋店再好食啲，炸魚皮幾好食，但係整體都係唔ok。
佢哋啲service亦都係敗筆，大部分 waitress 無論聽到或聽唔到都唔會應你，一開始坐低想要水佢哋話冇杯要遲啲，但係食咗半個鐘再問佢而家有杯裝水未佢完全冇咗件事。
我有懷疑過我嘅experience 同 openrice 上啲評語相差咁遠係唔係只係我唔好彩，但係我有同事第二日咁arm又去，佢同我有相同經歷，咁我唯有相信係佢哋質素下跌咗。但係我就應該唔會再去下次。
张贴
