影片
更多
2017-12-28
164 浏览
今日係尖咀等睇戲， 要揾個地方坐下先， 行過見到呢間台灣野好似幾好咁， 老公又鐘情台灣牛肉麵，就一於呢間啦！餐廳環境非常標緻企理， 坐位闊落幾好座， 2個人都可以坐四人枱， 岩晒我地今日拎住一袋二袋， 可以好好地休息吓！坐低先開茶， 水滾茶靚， 茶味都幾香， 可惜我唔可以飲太多茶， 只能淺嘗。老公order左兩款牛肉麵齊齊share, 第一款係清湯牛肉麵， 最驚喜係個湯係清燉雞湯，同麵條分開上， 個湯直接飲都唔咸唔覺有味精， 真係燉湯黎㗎！麵條滑得黎質地都彈牙，唔錯㗎！ 不過將個湯倒落個麵到既話…就唔夠味了…因為個湯就咁飲岩味， 加落個無味既麵到， 會變成湯底同麵條都唔夠味， 有點可惜既組合。 最後我將個麵放埋落下一個紅燒牛三寶麵湯底到食， 真係覺得自己好醒紅燒牛三寶麵， 有牛展， 牛肚， 牛腩， 味道都幾香，肉都入味夠淋， 但始終未及台灣夜市既風味， 不過入黎呢度好明顯係食精緻企理啦！ 唔可以同夜市比較！ 其實湯底同三寶都合格有餘， 值得一試㗎！另外叫左1件牛肉餅同1件豬肉餅， 兩件都充滿肉汁， 有點似食緊生煎包咁。 不過就細件左少少， 食完唔夠滿足。 但今餐作為睇戲前既下午茶其實
餐廳環境非常標緻企理， 坐位闊落幾好座， 2個人都可以坐四人枱， 岩晒我地今日拎住一袋二袋， 可以好好地休息吓！
坐低先開茶， 水滾茶靚， 茶味都幾香， 可惜我唔可以飲太多茶， 只能淺嘗。
老公order左兩款牛肉麵齊齊share, 第一款係清湯牛肉麵， 最驚喜係個湯係清燉雞湯，同麵條分開上， 個湯直接飲都唔咸唔覺有味精， 真係燉湯黎㗎！麵條滑得黎質地都彈牙，唔錯㗎！ 不過將個湯倒落個麵到既話…就唔夠味了…因為個湯就咁飲岩味， 加落個無味既麵到， 會變成湯底同麵條都唔夠味， 有點可惜既組合。 最後我將個麵放埋落下一個紅燒牛三寶麵湯底到食， 真係覺得自己好醒
紅燒牛三寶麵， 有牛展， 牛肚， 牛腩， 味道都幾香，肉都入味夠淋， 但始終未及台灣夜市既風味， 不過入黎呢度好明顯係食精緻企理啦！ 唔可以同夜市比較！ 其實湯底同三寶都合格有餘， 值得一試㗎！
另外叫左1件牛肉餅同1件豬肉餅， 兩件都充滿肉汁， 有點似食緊生煎包咁。 不過就細件左少少， 食完唔夠滿足。 但今餐作為睇戲前既下午茶其實已經好夠！
张贴
