影片
更多
2017-12-19
540 浏览
同屋企人嚟食個家常便飯，主要係想食大閘蟹。好耐冇嚟稻香食晚飯，小菜款式都唔少，而且價錢合理。黃金膏大閘蟹$38一隻 - 話足四両。唔係大隻，但對得起呢個價錢。蟹膏都算係咁，好香。食完蟹會有薑茶送，薑味濃，好飲。食完蟹一定要飲返薑茶驅寒~本來係一杯仔，叫侍應俾大碗啲，最後俾左三碗，謝謝! 金漆招牌5両翅$168 - 一窩上枱，仲用明火煲住，熱辣辣。湯係香濃雞湯，好正! 有半隻雞，雞肉嫩滑，可以食埋。翅嘅份量真係有5両，好滿意，個人覺得好抵食! 有驚喜喎!清蒸台青斑$58 - 魚肉韌，一啲都唔滑，食唔出係斑嚟，唔多新鮮，有啲腥味!屋企人有張$1優惠劵，$1就有呢個叉燒同粉皮。叉燒燒得唔錯，肉稔冇渣，有蜜汁味。成晚侍應好少，個個都好忙，加水都要叫幾次，人手有待增加!
黃金膏大閘蟹$38一隻 - 話足四両。唔係大隻，但對得起呢個價錢。蟹膏都算係咁，好香。
食完蟹會有薑茶送，薑味濃，好飲。食完蟹一定要飲返薑茶驅寒~本來係一杯仔，叫侍應俾大碗啲，最後俾左三碗，謝謝!
金漆招牌5両翅$168 - 一窩上枱，仲用明火煲住，熱辣辣。湯係香濃雞湯，好正! 有半隻雞，雞肉嫩滑，可以食埋。翅嘅份量真係有5両，好滿意，個人覺得好抵食! 有驚喜喎!
清蒸台青斑$58 - 魚肉韌，一啲都唔滑，食唔出係斑嚟，唔多新鮮，有啲腥味!
屋企人有張$1優惠劵，$1就有呢個叉燒同粉皮。叉燒燒得唔錯，肉稔冇渣，有蜜汁味。
成晚侍應好少，個個都好忙，加水都要叫幾次，人手有待增加!
张贴
