金殿泰國菜 (已結業)

今晚要去元朗打波，打波前同隊友係附近隨意搵左間餐廳食泰國野。餐廳門面望落冇特別，但食落好有驚喜🤤✨冬蔭功湯依個湯有得揀細/大，我地兩個人就嗌左細，份量啱啱好。入面有好多料，仲有隻有膏嘅開邊大蝦，湯又好好飲，好快就飲清光😂✨泰式拼盤同個湯一樣，拼盤都係有得揀細/大嘅，我地又係嗌左細。佢地每一樣炸野都好好食，配泰式辣醬好開胃🤤我個人最鍾意炸魚餅，表面炸到少少脆，魚餅入面味道調得幾好，有泰味之餘又唔會太重香料味，大家都啱食😆✨泰式燒豬頸肉豬頸肉唔係炸到脆脆地、有啲乾身個隻嚟，佢偏濕濕地，黐住少少脂肪。食落有啲肉汁，配埋酸辣汁食好過癮🥵🫣除左依3樣，我地仲嗌左泰式木瓜沙律同炒金邊粉，味道水準正常。食物整體嚟講PC值好高，啲野唔貴又好食。原本好想嗌埋檸檬燒牛肉同芒果糯米飯，見到其他人嗌，賣相好靚🤤💕不過真係好飽了，冇試到😵‍💫鋪面方面，雖然地方有啲細但光潔，坐得唔算唔舒服。服務員態度親切有禮貌，主動serve客人。餐廳入面播緊啲節奏輕快嘅泰文歌，聽唔明唱咩但氣氛幾開心😆