影片
更多
2015-08-11
210 浏览
小弟雖然第一次寫食評,雖然稱不上係一個老饗,但自問都非常為食,尚能分出好與壞吧!今日,為大家介紹既呢間餐廳,如果你本身中意食辣,一定要試佢一試,本身金樂軒係開係柴灣樂軒臺,所以我估佢個店名有“樂軒”呢兩個字就係因為呢個原因,由開舖到搬之前,佢成為一眾柴灣友既聚腳點,如果你係柴灣友,我估你未食過,都會聽過呢間鋪。除左地點放便,食物質素當然有番咁上下,所以呢幾年來,差不多個個星期都,都起碼有一次半次去食飯,亦成為一眾朋友必然去處。 今年老闆決定搬到北角,雖然好開心佢可以大展鴻圖,但心裡總有小小唔捨得。除左無左個就腳既聚腳點之外,更重要既係無左個就腳既飯堂😣.以前有時放工夜左,成十點十一點,都會係搭車時打去叫定雞煲,去到時有得食,食完岩岩好夠鐘收鋪,哈哈。。諗起都過癮,依家搬左就小d機會啦!Up左咁耐,都未做推介。。講起慚愧,寫呢篇食評係隨心所至,所以今次無相附上,下次補番，如果你中意食辣,你may埋眼點,野食都唔會差得去邊,因為我食左咁多次,暫時都未有食物係令我會感到失望既,未必樣樣都非常好食,但至少唔會難食,輕輕作以下推介吧!必試:1.黃金豆腐 (用山水豆腐去炸,趁熱食最佳)2.麻辣炒蜆
今日,為大家介紹既呢間餐廳,如果你本身中意食辣,一定要試佢一試,本身金樂軒係開係柴灣樂軒臺,所以我估佢個店名有“樂軒”呢兩個字就係因為呢個原因,由開舖到搬之前,佢成為一眾柴灣友既聚腳點,如果你係柴灣友,我估你未食過,都會聽過呢間鋪。
除左地點放便,食物質素當然有番咁上下,所以呢幾年來,差不多個個星期都,都起碼有一次半次去食飯,亦成為一眾朋友必然去處。
今年老闆決定搬到北角,雖然好開心佢可以大展鴻圖,但心裡總有小小唔捨得。
除左無左個就腳既聚腳點之外,更重要既係無左個就腳既飯堂😣.以前有時放工夜左,成十點十一點,都會係搭車時打去叫定雞煲,去到時有得食,食完岩岩好夠鐘收鋪,哈哈。。諗起都過癮,依家搬左就小d機會啦!
Up左咁耐,都未做推介。。講起慚愧,寫呢篇食評係隨心所至,所以今次無相附上,下次補番，如果你中意食辣,你may埋眼點,野食都唔會差得去邊,因為我食左咁多次,暫時都未有食物係令我會感到失望既,未必樣樣都非常好食,但至少唔會難食,輕輕作以下推介吧!
必試:
1.黃金豆腐 (用山水豆腐去炸,趁熱食最佳)
2.麻辣炒蜆 (呢個係柴灣時代係隱藏菜式,無寫係菜單度,係老顧客先知有呢味菜,無留意依家有無係張餐牌度,因為太熟,每次都會老俸咁叫,嘿嘿，無的話就要搵老闆問問有無啦！)
3.花鵰醉鴿 (以前柴灣時代時無呢味, 兩個字:好味!)
4.奇味雞煲 (招牌菜,咁奇怪第四樣先推介?am....主因係我一路寫,一路回憶,因為主菜需時制作,自然依定先諗到)
至於價錢碼,一句講晒,平有平食貴有貴食豐儉由人,建議多d人去食著數d,因為份量有番咁上下,多d人去可試多d菜式。
其實仲有好多好野食,今次暫時推介住咁多先,下次我會記得影番d相俾大家!希望大家可去試試,一齊分享下啦!
By Arifonsi
题外话/补充资料：
肥老闆整親隻手，咁唔小心呀，祝你快d好番啦！
四眼仔上
(以上食记乃用户个人意见 , 并不代表OpenRice之观点。)
张贴