金撈老鴨湯刺身火鍋專門店 (已結業)

開始入秋，有少少涼意，打邊爐高最啱架喇！聽聞過金撈老鴨湯刺身火鍋專門店最出名係個老鴨湯底，可以飲左啲湯再打邊爐，不過友人唔食鴨，所以轉左叫蕃茄薯仔湯。開頭以為個湯底會好普通喇，點知飲左啖都有好濃嘅蕃茄味，酸酸地好開胃！打邊爐就一定要有肥牛喇，試左碟招牌本地手切牛頸脊，碌左幾秒就食得，超香嘅牛肉味呀！依家出面食到嘅牛都係冇乜味，但呢碟牛真係好香，好耐未試過啲咁靚嘅牛肉喇，真係牛有牛味，呢句話就係咁解！而且啲牛好嫩，肥瘦均一，好有咬口，非常讚！另外，手打蝦丸同墨魚丸我又係好鐘意，蝦丸入面真係食到原隻鮮蝦，並非打碎曬嘅蝦膠！墨丸都好鮮好彈牙，始終都係手打丸比較好食！紅薯粉烚完吸曬啲湯嘅精華，一條條變左透明，好煙韌，又飽肚！最後，新鮮黑牛柏葉同蒿筍都冇乜特別，但就唔係太多地方可以食到，勝在金撈有好多款火鍋配料可以到選擇！