金拇指米線 (已結業)

番茄芝士焗吉列豬扒飯係下午茶黎架，下午茶時段由2:30到6:30，不過記得下午茶時段last order前5分鐘呀!
講返個飯，佢上面有好多芝士同蕃茄，撈埋落d飯到，令到d飲香好多，而且又夠濕，加上佢d飯軟硬適中，d豬扒又夠淰，夠juicy。overall好好味，好值得推介，而且只係30蚊咋。
但係佢杯凍奶茶就完全唔抵。下午茶餐加凍奶茶要加6蚊，貴過出面d餐廳好多，而且唔好飲。我叫左少甜，少冰，結果好澀，奶嘅比例太少，茶太多，令到一杯6蚊嘅奶茶更加唔抵。