小店 (已搬遷) 新店位置

好少會有機會嚟小店食嘢,因為九龍城實在太多選擇,會選擇食西餐嘅機會唔大,而且小店嘅西餐質素唔算突出,會嚟食嘢嘅機會唔多,咁點解今次又會寫呢篇食評呢？因為夜晚食完飯,小店係少數可以喺九龍城慢慢坐同朋友吹吓水而又唔會趕你走嘅甜品店舖,價錢係會貴少少,但可以任你坐。甜品質素又如何呢?我叫咗個檸檬撻,其實係唔錯嘅,佢地唔會為咗避開酸而刻意整甜佢,有啲檸檬鮮味,鮮得嚟清,其實係可以推介比大家,但可能我真係太挑剔,今次係餐具出咗問題。因為個撻真係好清,用嗰隻金屬叉食令到個撻有一陣金屬味,如果係用膠叉食就會冇呢個問題。又或者叫個朱古力味甜品先用佢嗰隻金屬叉又會啲。服務就到位,知道我地吹水就主動同我地加水.我會再返嚟.........不過只限吹水同食甜品.