金飯館

【即叫即炸 招牌椒鹽豬扒飯】($78)
呢一味椒鹽豬扒飯，
豬扒鬆脆而大塊，
生炸至金黃通透，
再加入炸香蒜蓉辣椒蔥花，
避風塘風味炒法，
配上鎮店的黃金蛋香炒飯，
每一粒呈金黃色，乾身，
乃是師傅巧手炒香，
鑊氣滿瀉，上到碟係香噴噴的完美之作。
不過係比較大份，一個人勉強先食得完。

【金飯仔沙嗲三寶】(加配價 $38)
等佢炒飯需時，
叫多份沙嗲食下先，
簡單地道嘅白灼牛柏葉，豬皮，鮮土魷，
加入佢地嘅秘製沙嗲味道升級，
香濃而充滿著辣度和溫度，
如果個汁再杰啲，整個沙嗲牛麵，冇得輸！