名堤 (已結業)

係因為團購所以先識呢間野試下，團購規則係１：４５ＰＭ先入得，好，佢要答正先入得，ＯＫ。我地就係出面等左１５分鐘，雖然眼見裡面係有好多位。。。但都唔比我地入。夠鐘入去後，有個阿姐帶我地去個卡位，但另外個阿姐（唔比我地早少少入去個個，簡稱＂大姐＂啦），就大大聲咁講，佢地團購架，意思係點解比左個卡位我地，咁另一個阿姐就話，算啦。好，比餐牌，有個阿姐就比左個餐牌我地，大姐見到就搶左個餐牌，然後比左另一個只有４－５種選擇既餐牌我地，話呢個團購餐牌，我地就揀左生牛河同香茅豬扒撈朦，味道ＯＫ。。。但我地食落真係一肚氣。。。食緊既時候個大姐仲不斷係度講呢張枱係團購架咁。。。　咁又點呢？係咪可以連水都唔比我地呢？再講，佢團購個ＭＥＮＵ同佢正價個唔爭得好遠囉！差１０－２０蚊度。。。但選擇就差好遠。。　我唔明佢搞團購黎做乜，又唔係特別平，又要唔想ＳＥＲＶＥ　Ｄ　團購客咁，我食完後同自己講一定會如實話比大眾食客知！無下次！