影片
更多
2022-01-25
166 浏览
新開張見環境ok，星期六12點半左右去到，見到呢間野拍烏英都心知不妙🤣🤣，冇客既情況下，侍應安排我地2公婆坐正門口既2人枱，當時有問過餐廳侍應妹妹全部吉枱，我粗身大細可否坐隔離的4人枱闊落d，侍應妹妹話ok，所以我地坐左過去，點知負責門口既職員好緊張即刻衝過黎喝我地話張枱比人訂左位唔可以坐，要我起番身坐番門口既2人枱，跟手先棟左個留位牌係4人枱，我地2個都覺得好神奇……成間店冇人全部吉枱，點解唔俾坐🤣隨後開始有客，因為我坐正門口既關係我聽到曬啲客入黎係幾多位，好多都係2位，但佢又安排人地2位坐曬4人枱咁搞笑？？跟住唔俾我坐既嗰張所謂留位枱都安排左2個walkin既人坐，其實我都食完準備埋單走，咁就順便問下點樣可以2個人留到張4人枱呢？個職員答我人地係openrice訂左3位但最後黎2位，🤔但我明明聽到佢問嗰2個walkin客幾多位，如果訂左枱係咪應該講預約號碼或者聯絡資料訂左幾多位呢？再者我即刻上openrice睇， 餐廳停止網上訂座，個職員知道自己吹大左，支吾以對講左句唔好意思……其實我都唔明佢既座位安排準則，同埋餐廳用餐限時90分鐘，我1234入座1330已經埋單，冇阻佢做生意，佢
希望餐廳負責人或者員工睇到呢篇食評可以改善下啦，其實野食係ok的，咖啡都唔錯架，但佢咁既服務仲要收加一服務費(客人自己網上落單，全程冇一杯水提供過，餐具係有個籃就咁放枱面)佢既所謂服務就淨係安排座位同傳菜，埋單都係客人自己出去埋，我以為自己去左茶記咋，既然開得分店又想做間比茶記高級啲既西餐廳唔該啲職員都培訓下先👎👎👎
如果你問我會唔會再去食，會～下次夠4個人先去食囉🤣🤣🤣同埋呢個價位既餐廳選擇都唔小既，大可以搵間坐得舒服啲同真係有“服務”既餐廳囉～
我講既野全部有圖有真相🙂星期六午餐時間都拍烏英～知佢咩料啦🤣🤣🤣
张贴
