影片
更多
2023-12-21
21 浏览
之前同朋友傾開傾，討論過聖誕去邊到慶祝，朋友就話係備長呢間餐廳到包左場同朋友相聚慶祝，朋友話呢間食過好多次，次次都覺得d野食好高質，環境又舒服，所以我今日放工都決定walkin食。好彩剛剛好bar枱仲有位直接可以坐低。呢到有bar枱同普通枱，環境裝修行高質型格風，幾有feel。呢度嘅前菜係雜菜配自家製麵豉，調味比較濃味，好正！我哋另外都有叫到麒麟啤同sapporo啤酒，邊飲邊食個調味剛剛好。白鱔外脆內話滑，口感彈口，係我近期食過最好食嘅，覺得咁樣嘅鹽燒，比用醬燒好食好多，尤其如果係配啤酒。牛舌厚切燒得好均勻，口感同調味都一流牛肋骨嫩滑juicy，有濃濃嘅牛味。柚子芥末墨魚串好有日系feel，柚子同wasabi加埋可以刺激味蕾，墨魚鬚都好粗身，口感正！多春魚燒得乾身脆口！豚腰啖啖肉又唔會過肥。荔枝豬肉卷個荔枝好甜，同埋豬肉一齊食，有更加豐富嘅層次感。牛肉稻庭烏冬嘅又份量都唔少，半生熟最岩我口味，而家天氣咁凍，有一碗暖暖嘅熱烏冬真係好舒服。稻庭烏冬口感都好好，唔會過淋。海膽海鮮炒飯炒得好乾身好香口，海膽亦都好新鮮。menu除左有串燒更加有泰國菜，啱晒我d口味。不過今日叫叫下都係叫哂串燒，下
呢度嘅前菜係雜菜配自家製麵豉，調味比較濃味，好正！我哋另外都有叫到麒麟啤同sapporo啤酒，邊飲邊食個調味剛剛好。
白鱔外脆內話滑，口感彈口，係我近期食過最好食嘅，覺得咁樣嘅鹽燒，比用醬燒好食好多，尤其如果係配啤酒。
牛舌厚切燒得好均勻，口感同調味都一流
牛肋骨嫩滑juicy，有濃濃嘅牛味。
柚子芥末墨魚串好有日系feel，柚子同wasabi加埋可以刺激味蕾，墨魚鬚都好粗身，口感正！
多春魚燒得乾身脆口！
豚腰啖啖肉又唔會過肥。
荔枝豬肉卷個荔枝好甜，同埋豬肉一齊食，有更加豐富嘅層次感。
牛肉稻庭烏冬嘅又份量都唔少，半生熟最岩我口味，而家天氣咁凍，有一碗暖暖嘅熱烏冬真係好舒服。稻庭烏冬口感都好好，唔會過淋。
海膽海鮮炒飯炒得好乾身好香口，海膽亦都好新鮮。
menu除左有串燒更加有泰國菜，啱晒我d口味。不過今日叫叫下都係叫哂串燒，下次再嚟試過啲泰式菜。
张贴
