影片
更多
2022-02-11
26 浏览
有留意開韓國KPOP嘅見到個餐廳名都可能會知道係關於EXO既， 所以上到去嗰陣職員以為我係想去攞嘢收交嘅！好搞笑😂但係其實我係嚟食嘢嘅🤣🤣 後尾又同店員講咗兩句，就話咁呢間餐廳就係有EXO-L開嘅， 咁之前就喺銅鑼灣既後尾先至搬過嚟荔枝角嘅。咁因為場地夠大所以佢哋都會有活動喺度舉辦（生日應援嗰D）同埋有時交收都會喺呢度地點都會方便啲啦～😚「내 우주는 전부 너야」 用咗光管去整好靚呢個真係好適合打卡嘅同埋側邊會有好多關於EXO成員嘅周邊，有啲係非賣品有啲係可以買嘅咁。如果有興趣都可以同店員講返🤣🤣 同埋側邊都有好多EXO成員嘅poster，咁如果係EXO-L嘅話就應該會勁吸引🤣～ 最重要嘅係嘢食都係幾好食嘅🤤😚！ 個SET 包咗個甜菜同埋甜品所以都好抵食！☀️牛肉壽喜燒烏冬$108真係勁鍾意壽喜燒！所以喺Menu見到壽喜燒嘅時候就即刻揀咗😂咁同平時嘅壽喜燒嘅材料其實都差唔多。所以叫呢一樣一定唔會伏😂咁除咗壽喜燒本分之外咁就唔會有一個主食，咁就可以揀飯或者烏冬。咁因為我哋就係晏晝食咁就唔食飯，咁我就會揀咗烏冬啦～壽喜燒一定唔可以少得隻蛋！加埋隻蛋落去壽喜燒度真係會好食啲😜！咁佢另外都會有啲
☀️牛肉壽喜燒烏冬$108
真係勁鍾意壽喜燒！所以喺Menu見到壽喜燒嘅時候就即刻揀咗😂咁同平時嘅壽喜燒嘅材料其實都差唔多。所以叫呢一樣一定唔會伏😂咁除咗壽喜燒本分之外咁就唔會有一個主食，咁就可以揀飯或者烏冬。咁因為我哋就係晏晝食咁就唔食飯，咁我就會揀咗烏冬啦～壽喜燒一定唔可以少得隻蛋！加埋隻蛋落去壽喜燒度真係會好食啲😜！咁佢另外都會有啲小配菜嘅咁就同拌飯嗰個唔一樣～配菜就可以同朋友share，可以食到唔同嘅小菜啦～
🌙韓式牛肉拌飯$98
成個擺盤都好靚！因為係韓式牛肉拌飯所以就會有好多種唔同嘅材料～顏色勁鮮艷！！影相真係一流！！佢每一種材料都會切到細細粒一條條咁，顏色嘅配搭都好靚！再將佢哋撈埋一齊，咁每一啖嘅時候就會食到唔同嘅材料～感覺好豐富😜！另外側邊仲會有啲小配菜，都係韓國嗰種嘅酸蘿蔔同埋魚糕！都真係唔錯會再想食多次😽PS 連隻碗同埋筷子匙羹都有EXO嘅LOGO🤣🤣
🌟柚子梳打
同MENU張相幾乎係一樣嘅，都係幾靚！用黎打卡啱晒！同埋入邊都有好多嘅柚子肉，再加埋梳打水一齊都幾好味～ 即使你未飲已經知道會係咩味同想像中嘅味道一樣😜
☀️青蘋果梳打
本身都係諗住飲柚子味嘅，但係因為朋友揀咗咁就想揀另一種味道，因為想影相出嚟係唔同顏色咁就會靚啲啦～青蘋果味嘅其實都幾好飲都， 味道甜甜地～係青蘋果嘅味道都唔錯㗎！所以其實嗌兩種味道影相出嚟係會靚啲嘅😂無後悔😽
张贴
