Hero Sandwich (已結業)

工作狂男友又再次做到唔肯收工，為左見佢一面，我只好放工後碌出荔枝角搵佢！今次揀左哩間裝修充滿漫畫感，個名仲好神既"Hero"到開飯！野食種類以三文治、Burger 、意粉同risottos 為主。先叫左一個fish and chips, 魚炸得唔錯，唔會太乾，外面脆，魚肉嫩滑。薯條係粗身薯條，不過不失，無乜驚喜。另外叫左個黑松露雜菌意粉，黑松露同菇菇份量都非常多（有圖有真相），一上桌已經聞到濃烈既黑松露味，正而且意粉唔會煮得太腍，乾硬適中，幾有口感。最後是期待以久的Angus beef burger, 塊牛好香牛味，而且好juicy，夾埋生菜蕃茄芝士一齊食，中和左果種膩口既感覺，唔錯！