Catee (已結業)

去開荃灣，又想食西餐，記得好耐之前黎過呢間「catee」食，就決定食過返尋味啦！入到去侍應帶左我地係近門口既位坐，四圍燈光幽暗有種舒服感，唔少貓主題既擺設又增添藝術感！講返野食，我地叫左個set，所以先黎個湯同沙律，個忌廉湯鹹甜適中，好味！而個沙律好新鮮，加入左芝麻汁好開胃，更令我地ready食正餐啦！正餐就係「明太子蟹肉蟹籽忌廉汁燴意大利麵」Ｄ汁好濃好足料，每條麵都有忌廉汁同蟹籽包住，食完已經半飽！不過要留肚食之後道餸！之後就係佢既招牌菜「芝士焗原隻波士頓龍蝦」啦，果然份量十足！肉厚汁多又新鮮，Ｄ芝士又濃又香噴噴，每一啖都食得好滋味！最後當然要介紹佢杯朱古力啦！呢杯係每次黎都必叫既！濃濃既朱古力上有層好厚既cream，正到呢！