韓家韓國料理 (已結業)

和家人到韓家食晚餐，叫了bimbimbok和炸雞，前菜鋪一坐下就送到，但之後等了30分鐘才有食物送來。炸雞更要等90分鐘才到，負責人解釋是送雞來的遲了，來不及解凍。本來一家人傾下講下，90分鐘好快過。但係韓家有三架電視機不停loop播Kpop MTV，係你頭頂不停轟炸你的耳朵，要嗌至聽到講乜，仲要天花有冷氣滴水。餐廳是清潔的，但仍然要用「環境惡劣」去形容韓家。同負責人要求調低音量，佢話較一架電視就三架電視一齊細聲。佢係咁易調低一格，完全沒改善。我的結論係，食物是中上的，但係唔建議堂食。