BB雞蛋仔 (已結業)

雞蛋仔-曾經是我的最愛。曾吃過好的，更吃過一堆劣的，雖稱不上神，但算是迷儘管近年少吃了，但都不會減低我的評選準則。BB一直在柴灣時已風行一時，今日到它登陸上環，我唔食點對得住自己呢？門面都幾得意，當日是佛誕日，本以為假期中的上環水靜河飛，誰知都幾多人帶小朋友到場。裡面環境不算大，牆壁都貼滿了對它出品的介紹及報導。比起而家的媽咪雞蛋仔，選擇未算多（雪糕雞蛋仔擺明炒Oddies)，我都是以大路野為前題，那樣我決定揀比利時朱古力粒粒雞蛋仔。等了15分鐘，終於出爐了！一拿，熱得媽的一聲！香濃甜蜜的朱古力撲在鼻上，加上熱騰騰的感覺，太爽了吧！馬上要食一粒！第一口，你會感到滿滿的朱古力溶化在口，滿滿的料子，但多多的甜度，選材可選苦黑朱古力，而家覺得佢只有47%/52%的濃度。甜度更影響蛋味，這底雞蛋仔是沒蛋香味。質感雖然目測下內有50%蛋糕的密度，但實際外皮亦不夠脆，應該是太熱入袋，要攤耐點。不是說佢呃秤，佢是有多到滿滿的材料，但其實美食是講求平衡，不是爆滿、多到死才是好，大家材料都足夠但大家也可互相輝映，那才是一流上品，就算小食，都可以好多滋味！